Yengil atletika. O‘zbekiston mezbonlik qilgan yoshlar o‘rtasidagi osiyo chempionati yakuniga yetdi

27-30 aprel kunlari O‘zbekiston yengil atletika bo‘yicha yoshlar o‘rtasidagi beshinchi osiyo chempionatiga mezbonlik qildi. 

4 kun davom etgan qit’a birinchiligida 40ta mamlakatdan 500 nafardan ziyod sportchilar ishtirok etdi. 

Turnirda Xitoy 24ta medal — 15ta oltin, 7ta kumush va 2ta bronza bilan yetakchi bo‘ldi. Hindiston 6ta oltin, 11ta kumush, 7ta bronza bilan 2-o‘rinni egallagan bo‘lsa, Qozog‘iston 3ta oltin, 6ta kumush va 5ta bronza bilan kuchli uchliyedan joy oldi.

O‘zbekistonlik yoshlar esa musobaqani 3ta oltin, 3ta kumush hamda 6ta bronza — jami 12ta medal bilan yakunlab, umumjamoa hisobida 4-o‘rinni qo‘lga kiritishdi.

O‘zbekiston jamoasiga medal keltirgan sportchilar:

• Mahliyo Muhammadjonova — 2000 metr masofaga to‘siqlar osha yugurishda oltin 
• Devdavs Ismoilov — balandlikka sakrashda oltin 
• Sharifa Davronova — uch xatlab sakrashda 13,99 metr natija bilan turnir rekordini o‘rnatgan holda oltin; uzunlikka sakrashda esa kumush
• Mahliyo Maxmudova — disk otishda kumush 
• Abduazim Rahmatullayev — yadro uloqtirishda kumush, disk otishda bronza
•  Maftuna Ahmedova — 1500 metrga yugurishda bronza
• Sabina G‘oyibnazarova — 400 metrga to‘siqlar osha yugurishda bronza 
• Emiliya Rudina — balandlikka sakrashda bronza 
•  Shahzoda Shozodova — disk otishda bronza 
•  Anna Chikalova — yettikurashda bronza