O‘zbekiston bo‘ylab «Vatanparvarlik karvonlari» tashkil etilmoqda

Mudofaa vazirligi ma’lumotiga ko‘ra, «Vatanparvarlik karvonlari» targ‘ibot guruhlari tomonidan viloyatlarning markazi va olis hududlarida «Yangi O‘zbekiston armiyasi — mamlakat qudrati, yuksak g‘urur va sadoqat timsolidir!» shiori ostida turli uchrashuvlar, madaniy-ma’rifiy tadbirlar hamda harbiy-vatanparvarlik festivallarini o‘tkazib kelinmoqda.

Jumladan, Samarqand garnizonidagi harbiy xizmatchilar Samarqand tumanida, Kattaqo‘rg‘on garnizonidagi harbiylar Ishtixon tumanida, Jizzax garnizonidagi harbiylar Jizzax shahri va Sharof Rashidov tumanida o‘tkazgan bo‘lsa, Navoiy garnizonidagi harbiy xizmatchilar esa Navoiy Kon-metallurgiya zavodi xodimlarini vatanparvarlikka undadi.

Shuningdek, tuman rahbarlari ishtirokida harbiy orkestr sadolari jo‘rligida o‘tkazilgan marafonlarda yoshlar davlat bayrog‘ini baland ko‘tarib, 5000 qadamni bosib o‘tdi.