Qoʻshimcha funksionallar
-
Tungi ko‘rinish
Narpay tumanida hokim almashdi
2020 yildan buyon tumanga rahbarlik qilib kelgan Sherzod Rahmonov boshqa ishga o‘tayotgani bois lavozimidan ozod etildi. Qonunchilik palatasi Korrupsiyaga qarshi kurashish va sud-huquq masalalari qo‘mitasi a’zosi Sherbek Bo‘ronov tuman hokimi bo‘ldi.
Foto: Samarqand viloyati hokimligi
Samarqand viloyati Narpay tumanida xalq deputatlari tuman kengashining navbatdan tashqari sessiyasi bo‘lib o‘tdi. Unda tashkiliy masala ko‘rildi.
Viloyat hokimligi xabariga ko‘ra, 2020 yildan buyon tumanga rahbarlik qilib kelgan Sherzod Rahmonov boshqa ishga o‘tayotgani bois tuman hokimi lavozimidan ozod etildi.
Sessiyada deputatlar tomonidan Sherbek Bo‘ronov nomzodi Narpay tumani hokimi lavozimiga tasdiqlandi.
Sherbek Bo‘ronov 1985 yilda Samarqand viloyati Narpay tumanida tug‘ilgan. 2003 yildan boshlab bank tizimida turli lavozimlarda faoliyat olib borgan.
U 2021 yildan buyon Oliy Majlis Qonunchilik palatasi Korrupsiyaga qarshi kurashish va sud-huquq masalalari qo‘mitasining a’zosi.
Mavzuga oid
14:44 / 30.04.2024
Samarqandda sof quyma oltinni sotayotgan shaxslar ushlandi
17:17 / 11.09.2023
Sherzod Rahmonov Narpay tumani hokimi lavozimiga tasdiqlandi
08:23 / 06.06.2022
Narpay tumanidagi oziq-ovqat do‘konlarida yong‘in sodir bo‘ldi
19:23 / 13.11.2020