«Hayot to‘xtab qolgan shahar». Ukrain harbiylari og‘ir sharoitlarda Chasiv Yarni himoya qilishda davom etmoqda

Ukrainadagi urushning 858-kuni o‘tdi. Asosiy ma’lumotlar:

• Rossiya qo‘shini Xarkivga aviabomba tashladi. Bir kishi halok bo‘lib, yana to‘qqiz kishi jarohatlangan.
• RF mudofaa vazirligi Donetsk oblastidagi Novooleksandrivka va Spirne qishloqlari egallanganini ma’lum qildi.
• Rossiya qo‘shini Zaporijjya oblastining Volnyansk shahriga raketa zarbasi yo‘lladi. Yetti kishi halok bo‘lib, 38 kishi jarohatlangan. Shaharda motam e’lon qilingan.
• Leningrad qamalini boshdan kechirgan, urushga qarshi chiqqan 88 yoshli Lyudmila Vasileva Peterburg gubernatorligi uchun o‘z nomzodini ko‘rsatishga kerakli miqdorda imzo yig‘a olmadi.
• RF mudofaa vazirligi tunda Rossiyaning oltita regioniga 30 dan ortiq dronlar hujum qilgani haqida xabar berdi. Lipetskda sanoat zonasi zarba ostida qolgan.
• Rossiya qo‘shini Kiyev bo‘ylab raketa zarbasi yo‘lladi. 14 qavatli turar joy binosi shikastlangan.

Chasiv Yar atrofidagi ukrain harbiylari

Rossiya qo‘shini qirol Daniil nomidagi 24-alohida mexanizatsiyalashgan brigada himoya qilayotgan Chasiv Yar tomon yurish qilishda davom etmoqda.

Xarkiv bo‘ylab aviazarba oqibatlari

RF qo‘shini 30 iyun kuni Xarkivdagi «Novaya pochta» terminaliga FAB-500 aviabombasi tashladi.

Kiyev o‘qqa tutilishi oqibatlari

30 iyun kuni kechqurun Rossiya qo‘shini Kiyev bo‘ylab raketa zarbasi yo‘lladi. Ukraina poytaxtining Obolon rayonida 14 qavatli turar joy binosi shikastlangan.