Sudanda kuchli yomg‘irlar va suv toshqinlari qurbonlari soni 77 kishiga yetdi

So‘nggi uch kun ichida Nil daryosi provinsiyasida sodir bo‘lgan suv toshqinlari oqibatida 34 kishi halok bo‘ldi, yana 588 kishi jarohatlandi, deya xabar beradi Sudan Qizil Yarim Oy jamiyati.

24 ming 104 ta uy to‘liq, 8 ming 16 ta uy qisman vayron bo‘lgan, deyiladi xabarda.

Shimoliy provinsiya Sog‘liqni saqlash vazirligi so‘nggi uch kun ichida kuchli yomg‘ir va suv toshqini tufayli 11 kishi halok bo‘lgani va 86 kishi jarohatlanganini qayd etdi.

Salbiy oqibatlar viloyatning 2385 nafar aholisi uy-joyiga ta’sir ko‘rsatdi, 2488 tasi - qisman, 346 tasi to‘liq vayron bo‘ldi.

Mamlakatda iyun oyidan beri kuchli yomg‘ir va suv toshqinlari oqibatida halok bo‘lganlar soni 77 nafarga yetdi.

Birlashgan Millatlar Tashkilotining Sudandagi gumanitar masalalarni muvofiqlashtirish boshqarmasi mamlakatni qamrab olgan kuchli yomg‘irlar sabab bo‘lgan suv toshqini oqibatlaridan 73 ming kishi zarar ko‘rgani, 14 mingta uy qisman yoki to‘liq vayronaga aylanganini ma’lum qildi.

Sudanning 18 viloyatidan 11 tasida suv toshqinlari kuzatilmoqda, 21 ming 370 kishi uyini tark etishga majbur bo‘ldi.

Sudan Sog‘liqni saqlash vazirligining 5 avgust kuni ma’lum qilishicha, iyun oyidan buyon mamlakatning yetti viloyatida kuchli yomg‘ir va toshqinlar oqibatida 32 kishi halok bo‘lgan, yana 107 kishi jarohatlangan.

Sudanda iyuldan oktyabrgacha kuchli yomg‘irlar va toshqinlar har yili 100 dan ortiq odamning o‘limiga sabab bo‘ladi hamda o‘n minglab uylar, ish joylari va ekin maydonlariga zarar yetkazadi.