Zelenskiy Budapeshtda RFga yon bosmaslikka chaqirdi

Ukrainada tinchlikka erishish uchun Rossiya prezidenti Vladimir Putinga har qanday yon bosish «Ukraina uchun nomaqbul, Yevropa uchun esa o‘z joniga qasd qilishdek gap» bo‘ladi, deya ishonch bildirdi himoyalanayotgan davlat prezidenti Volodimir Zelenskiy. 7 noyabr, payshanba kuni Budapeshtdagi Yevropa siyosiy hamjamiyatining sammitida so‘zga chiqib. U «Putinga bo‘ysunish, chekinish, qandaydir «yon bosish» takliflari atrofidagi muhokamalarni esladi.

Zelenskiy: Adolatli tinchlikni zaiflik bilan sotib olib bo‘lmaydi

«Zaiflikni ko‘rsatish yoki ba’zi bir Yevropa pozitsiyalari yoki mavqeyi bilan savdo qilish adolatli tinchlikni sotib olishda yordam beradi degan illyuziyalar bo‘lmasligi kerak. Tinchlik - faqat kuchlilar uchun mukofot. Kuchli Yevropaga muqobil narsa yo‘q», — dedi u.

Ukraina prezidenti, shuningdek, Rossiya o‘z mamlakatiga unga ko‘proq hudud kerak bo‘lgani uchun urush boshlamaganiga ishonch bildirdi. «U global hokimiyatni, avval Ukraina ustidan nazoratni, keyin esa bir paytlar sovet yoki imperatorlik hukmronligi ostida bo‘lganidek, barchani nazorat qilishni xohladi», dedi u. Zelenskiy Budapeshtdagi sovet tanklarini esladi. «Xuddi Budapesht kabi, Ukrainaning har bir shahri va barcha mamlakatlarimiz xavfsizlik va tinchlikka loyiqdir», — dedi u.

Zelenskiy, shuningdek, AQSh prezidentlik saylovlarida g‘alaba qozongan Donald Tramp bilan suhbati haqida ham ma’lum qildi. «Albatta, biz uning aniq harakatlari qanday bo‘lishini bilmaymiz, ammo Amerika kuchliroq bo‘lishiga umid qilamiz. Amerikaga esa kuchli Yevropa kerak», — deya qo‘shimcha qildi u.

Shoygu: G‘arb tanlov oldida

Shu kuni Rossiya Xavfsizlik kengashi kotibi Sergey Shoygu G‘arb oldida «Kiyevni moliyalashtirishni davom ettirish va Ukraina xalqini yanada yo‘q qilish yoki hozirgi voqelikni tan olib, muzokaralar boshlash» tanlovi turganini ta’kidladi. TASS ta’kidlaganidek, Rossiya sobiq mudofaa vaziri jang maydonidagi vaziyat Ukraina foydasiga emasligini ta’kidlagan.

5 noyabr kuni bo‘lib o‘tgan prezidentlik saylovlarida g‘alaba qozongan AQShning sobiq prezidenti Donald Tramp bir necha bor Ukrainani qo‘llab-quvvatlashni kamaytirish tarafdori ekanligini aytib, urushni tezroq tugatishga va’da bergandi.