Andijonda Lacetti piyodalar yo‘lakchasidan o‘tayotgan 12 yoshli bolani urib yubordi

Andijon viloyati Xo‘jaobod tumanida mashina maktab o‘quvchisini piyodalar yo‘lakchasida urib yuborgan. Bu haqda viloyat IIB YHXB axborot xizmati xabar bermoqda.

Hodisa 2024 yil 7 dekabr kuni soat 11:10 larda, A373 Toshkent-O‘sh yo‘lining Xo‘jaobod tumani “Faqirqishloq” MFY xududidan o‘tgan qismida yuz bergan.

1984 yilda tug‘ilgan haydovchi “Lasetti”ni boshqarib ketayotib, yo‘lning qatnov qismini belgilangan joydan kesib o‘tayotgan, 2012 yilda tug‘ilgan P.I.ni urib yuborgan.

Oqibatda, 12 yoshli maktab o‘quvchisi tan jarohati olgan va Xo‘jaobod tumani shoshilinch tez tibbiy yordam bo‘limiga yotqizilgan.

Qayd etilishicha, hozirda, holat yuzasidan Xo‘jaobod tumani IIB Tergov bo‘limi xodimlari tomonidan dastlabki tergov harakatlari olib borilmoqda.