Эдвард Сноуден ҳақидаги фильмнинг расмий трейлери чиқди

Интернетда АҚШлик режиссёр Оливер Стоун суратга олган “Сноуден” фильмининг расмий трейлери пайдо бўлди. Фильм АҚШ махсус хизматларининг собиқ ходими Эдвард Сноуден ҳақида бўлиб, фильмда унинг ролини актёр Жозеф Гордон-Левитт ижро этган.

Фильмда, шунингдек, Шейлин Вудли, Мелисса Лео, Закари Куинто, Том Уилкинсон, Рис Иванс ва Николас Кейж ҳам роль ижро этган.

Оливер Стоун фильмнинг сценарийсини тасдиқдан ўтказиш учун Эдвард Сноуден билан учрашиш учун шахсан ўзи Москвага келган эди. Учрашув пайтида режиссёр Сноуден билан унинг ролини ижро этувчи актёр номзодини келишиб олган.

Фильмнинг 1,5 дақиқалик трейлерида Сноуден “дунёдаги энг қидирлаётган одам” деб таърифланган. Фильм катта экранларга Рождество байрамига чиқарилиши режалаштирилган.