Рим папаси Европани қисир аёлга ўхшатгани Меркелнинг жаҳлини чиқарди

Рим папаси Франциск журналистлар билан мулоқот чоғида Германия канцлери Ангела Меркель унга қўнғироқ қилиб, ғазаб билан Европани “туғмайдиган аёл”га қиёслагани учун тушунтириш талаб қилганини айтди, деб хабар бермоқда Corrierer della Sera.

Айтилишича, папа 2014 йил мартида Европарламентдаги чиқишида бу ўхшатишни тилга олган. У Европа жамиятининг аҳволини кескин танқид остига олиб, уни, шунингдек, кекса ва чарчаган кишиларга ўхшатган. У Европани қўрқувдан халос бўлиб, етакчилигини тиклашга ундаган.

Понтификнинг уқтиришича, шу чиқишидан сўнг унга Германия етакчиси қўнғироқ қилган.
“Мен Европани бола туға олмайдиган аёлга ўхшатганимдан жаҳли чиққан эди унинг”, - таъкидлади Франциск.