Қўшимча функционаллар

  • Тунги кўриниш

  • Тошкент ш.
  • Қорақалпоғистон
  • Андижон
  • Фарғона
  • Наманган
  • Самарқанд
  • Бухоро
  • Хоразм
  • Сурхондарё
  • Қашқадарё
  • Жиззах
  • Сирдарё
  • Тошкент вил.
  • Навоий
    • Жаҳон | 10:02 / 24.02.2016
    3923
    1 дақиқада ўқилади

    ОАВ: Хитой Жануби-Хитой денгизидаги баҳсли оролларда қирувчи самолётларни жойлаштирди

    Хитой ҳукумати Жануби-Хитой денгизидаги Парасель оролларидан бирида бир нечта қирувчи самолётларни жойлаштирди. Бу ҳақда Fox News телеканалига икки нафар америкалик амалдор маълум қилди.

    АҚШ разведкаси Вуди оролида Shenyang J-11 (Су-27 самолётининг лицензион нусхаси) ва Xian JH-7 қирувчи самолётларининг пайдо бўлгани ҳақида маълумотлар олган. Шу оролда бунгача Хитойнинг ракета мажмуалари жойлаштирилганди.

    Аввалроқ АҚШ Давлат котиби Жон Керри Жануби-Хитой денгизида қуроллар жойлаштирилишига қарши чиққанди.

    Жануби-Хитой денгизидаги Парасель ороллари ҳудудига эгалик қилиш учун Хитой, Тайвань ва Вьетнам ўртасида баҳс олиб борилади. Хитой ҳукумати ҳудудда инфратузилма, жумладан маржон қояларда сунъий ороллар яратмоқда.