Олтинкўлда Мустақиллик байрами шодиёналари бўлиб ўтди
Юртимизнинг барча гўшаларида бўлгани сингари Андижон вилояти Олтинкўл туманида ҳам энг улуғ, энг азиз байрамимиз бўлмиш Мустақиллик айёми катта шодиёналар билан нишонланмоқда.
Туман марказидаги “Олтинкўл” марказий ўйингоҳи байрамга муносиб тарзда ранг-баранг панно ва шиорлар билан безатилди.
Саҳна узра Ўзбекистон мадҳияси янгради. Тадбирда улуғ аждодларимизнинг бой мероси рамзий чиқишлар орқали ифодаланди. Ўтган йигирма беш йиллик мустақил тараққиёт даврида эришилган натижалар, ислоҳотлар самараси, халқимизнинг тинч, осуда ҳаёти жамиятимиздаги ўзаро ҳурмат, меҳр-оқибат ва бағрикенглик фазилатлари, миллий ва умумбашарий қадриятларга уйғун ҳолда акс эттирилди.
“Гўзал ва бетакроримсан, муқаддас Ватаним, жоним сенга фидо, Ўзбекистоним!” шиори остида бўлиб ўтган байрам тадбирида она-юрт, тинчлик, дўстлик, бағрикенглик каби мавзуларни ўзида мужассамлаштирган саҳна чиқишлари ҳамда дилрабо куй-қўшиқлар шодиёна иштирокчиларига бир олам қувонч бағишлади.
Элмурод Эрматов, Андижон
Мавзуга оид
16:57 / 19.09.2024
Андижонда электрдан ноқонуний фойдаланган тадбиркордан 20 млн сўм олган ЭТК муҳандислари ушланди
10:00 / 13.09.2024
Хитой Андижонда чиқиндилардан энергия ишлаб чиқаришни йўлга қўяди
20:05 / 12.09.2024
Ҳудудларда тадбиркорлар қуёш панелларини ўрнатишга мажбурланмоқда. Вазирлик томошабинми?
09:50 / 11.09.2024