YouTube видеоларни юклаш ва офлайн тарқатиш имконини берувчи иловани тақдим этди
АҚШнинг Google компанияси YouTube Go иловасини тақдим этди. Мазкур илова ёрдамида видеохостинг хизматидан видеолавҳаларни телефонга юклаб, сўнгра уни Bluetooth воситасида тарқатиш мумкин бўлади.
YouTube Go иловаси асосан Ҳиндистон ва интернетга уланиш чекланган ва қиммат ҳисобланувчи мамлакатларга мўлжалланган.
Яқин орада ишга тушиши кутилаётган дастур ёрдамида роликларни телефонга юклаб олиш ва Bluetooth воситасида дўстларга улашиш мумкин бўлади. Бунда, смартфон эгалари интернет трафигини назорат қила олишади. Чунки, ҳар бир видеороликнинг аниқ ҳажми кўрсатилади.
Google компаниясининг қайд этишича, дастур янгидан ишлаб чиқилган ва ривожланаётган мамлакатлар аҳолисининг замонавий трендлардан ортда қолмаслигига кўмаклашишга қаратилган. Бироқ, компания YouTube Go иловасидан қайси усулда фойда кўрмоқчи эканига ойдинлик киритилмаган. Тахминларга кўра, видеороликлар қурилмага реклама билан бирга юкланиши мумкин.
Ҳозирча, YouTube Go иловаси ишлаши мумкин бўлган дастурий таъминотлар ва мамлакатлар ҳам ошкор қилинмаган.
Мавзуга оид
17:00 / 09.10.2024
АҚШ ҳукумати Google'ни парчалашни талаб қилиши мумкин
22:30 / 04.10.2024
YouTube хатолик сабаб юзлаб аккаунтларни спам ва фирибгарлик учун блоклаб қўйди
00:48 / 26.09.2024
Google Еврокомиссияга Microsoftʼнинг рақобатга зид булутли амалиёти устидан шикоят киритди
22:21 / 18.09.2024