Австралиялик сиёсатчилар WhatsApp’да миллий хавфсизликни муҳокама қилишмоқда
Австралия бош вазирининг киберхавфсизлик бўйича махсус маслаҳатчиси Алистер Гиббон мамлакатнинг юқори лавозимдаги амалдорлари муҳим давлат масалаларини WhatsApp мессенжери ёрдамида муҳокама қилишаётганини маълум қилди. Бу ҳақда Mashable хабар бермоқда.
Ахборот ҳимояси соҳасидаги мутахассислар миллий хавфсизликка тегишли махфий масалалар оддий мессенжер ёрдамида муҳокама қилинаётганидан хавотир билдиришди. WhatsApp ва унга ўхшаш дастурлар тез алоқа учун жуда қулайдир, бироқ улар орқали узатилувчи маълумотларнинг дахлсизлиги савол туғдиради.
WhatsApp тармоғига тушган ҳар қандай маълумот хакерлар қўлига тушиши ва оқибатда хабар жўнатувчини ҳам, уни қабул қилувчини ҳам хавф остига қўйиши мумкин.
WhatsApp Австралия вазирликлари ўртасида алоқа қилиш учун маъқулланган дастурларни ўз ичига олувчи Evaluated Products List рўйхатига кирмаслиги ҳам катта хавотир уйғотмоқда. Бу рўйхатга хабарлар юбориш учун ўзининг дастурларидан фойдаланувчи Apple ва Blackberry операцион тизимлари киритилган.
Мавзуга оид
23:17 / 10.09.2024
Австралияда ўсмирларга ижтимоий тармоқлардан фойдаланиш тақиқланиши мумкин
21:09 / 02.09.2024
Австралиядаги боғда йўлбарс ҳайвон ўргатувчига ҳужум қилди
18:42 / 27.08.2024
Австралия халқаро талабаларни қабул қилишга чеклов киритади
19:59 / 26.08.2024