Қўшимча функционаллар
-
Тунги кўриниш
Сан‑Марино терма жамоаси Мюллерга муносиб жавоб қайтарди
Фото: Gettyimages
Германия терма жамоаси ҳужумчиси Томас Мюллернинг Сан-Маринони терма жамоасини ҳақоратловчи сўзлари жавобсиз қолмади. Сан-Марино терма жамоаси матбуот хизмати раҳбари Алан Гасперони Мюнхеннинг «Бавария» жамоаси ҳужумчисининг сўзларига муносабатини билдириб ўтди.
«Сен ўзинг ҳатто бизга - ўзинг айтган кучсиз жамоага гол ура олмадинг. Футбол Беккенбауэр ёки Руммениггенинг шахсий буюми эмас. Футбол уни севадиган барчага тегишли. Немислар тарих сабоқларига қарамай ҳеч қачон ўзгармайдилар, қўрқитиш ғалаба кафолат бермайди», — дея ёзган Гасперони ўзининг «Фейсбук»даги саҳифасида.
Германия терма жамоаси ЖЧ-2018 саралашида Сан-Маринони 8:0 ҳисобида мағлуб этганди. Учрашувдан сўнг Томас Мюллер бундай терма жамоалар билан ўйнаб вақт кетказишда маъно кўрмаслиги ҳақида гапириб ўтганди.
