Қўшимча функционаллар
-
Тунги кўриниш
Жаҳон | 23:14 / 16.11.2016
7587
1 дақиқада ўқилади
Геологлар Техасда АҚШдаги энг йирик нефть конини топишди
Фото: © AP
АҚШнинг геологик хизмати (USGS) Техасда перм даври ҳавзасида АҚШнинг бутун тарихи давомидаги энг йирик нефть ва газ конини аниқлади. Бу ҳақда хизмат хабарида маълум қилинган.
Хизматнинг баҳолашича, конда 20 млрд баррель нефть, 16 трлн куб метр табиий газ ва 1,6 млрд баррель газ конденсати мавжуд.
Бу захиралар 2013 йилда топилган Bakken-Three Forks конидагидан 3 баробар катта. Бу эса конни мамлакат тарихидаги энг йиригига айлантиради.
"Бу кон биз кўрган энг йирик нефть кони бўлиб, у миллиардлаб баррель нефть олинган ҳудудларда яна бир неча миллиардлаб нефть олишга салоҳият борлигини кўрсатади", деб айтди USGS’нинг энергетика захиралари дастури координатори Уолтер Гидрош.
