Франциянинг собиқ бош вазири праймеризнинг 1-турида ғолиб бўлди
Франциянинг собиқ бош вазири Франсуа Фийон Франция президенти лавозими учун бошланаётган курашда муҳим ғалабага эришди.
Фийон 20 ноябрда "Республикачилар" ўнг-марказ партияси президент лавозими учун ўз номзодини аниқлаш учун ўтказган праймериз – бирламчи сайловларнинг 1-турида етакчилик қилди.
62 ёшли сиёсатчи ўзининг 7 нафар партиядошлари орасидан энг кўп – 44,1 фоиз овоз йиға олди. Бордо мэри Ален Жюппе 28,3 фоиз овоз, Франциянинг собиқ президенти Николя Саркози эса 20,9 фоиз овоз тўплай олди.
Келаси якшанба, 27 ноябрда ўтадиган 2-турда кураш фақатгина икки етакчи – Фийон ва Жюппе ўртасида боради.
Сайловларда ютқазган Саркози кейинги турда Фийонни қўллаб-қувватлашини айтди. Бу эса Фийоннинг президент лавозимига номзод бўлиш учун имкониятларини янада оширади.
Мавзуга оид
21:36 / 21.09.2024
Францияда талабалар археологик қазиш ишлари давомида 200 йиллик мактубни топди
12:10 / 21.09.2024
Украина ҳарбий учувчилари Францияда тайёргарликни якунлади
23:37 / 14.09.2024
Олимлар 50 минг йил ғорда изоляцияда яшаган неандерталлар қолдиқларини топди
15:24 / 12.09.2024