Видео: Авиаҳалокатга учраган бразилияликлар жамоаси 5 кун олдин финал йўлланмасини нишонламоқда
Бразилиялик журналист Андрес Фелипе Аркос ўз твиттерига «Шапекоэнсе» жамоаси кийим алмаштириш хонасида 5 кун олдин олинган видеони жойлаштирди.
Видеода бразилияликлар Копа Судамерикано турнири ярим финалининг жавоб учрашувида «Сан-Лоренсо» жамоаси билан дурангдан кейин финал йўлланмаси қўлга киритилганини нишонлаётганини кўриш мумкин.
29 ноябрга ўтар кечаси Боливиядан Колумбияга учиб келаётган ва бортида 81 нафар йўловчи бўлган самолёт қулади. Йўловчилар орасида Бразилиянинг «Шапекоэнсе» клуби футболчилари бўлган.
«Шапекоэнсе» футболчилари 1 декабрь куни Копа Судамерикано мусобақаси доирасида Колумбиянинг «Атлетико Насьональ» клубига қарши майдонга тушиши керак бўлган. Ҳалокат оқибатида 75 киши ҳалок бўлгани тасдиқланди. Улар орасида жамоанинг сафар ўйинини ёритиш мақсадида сафарга чиққан ўндан ортиқ журналистлар ҳам бор эди. 3 футболчи омон қолган.
Колумбияликлар клуби рақиб жамоа футболчиларининг яқинлари ва оила аъзоларига ҳамдардлик билдирди.
Копа Судамерикано Жанубий Америка минтақаси клублари ўртасидаги Копа Либертадорес турниридан кейин нуфузи жиҳатдан иккинчи ўринда турадиган мусобақа ҳисобланади.
«Шапекоэнсе» 20 жамоа иштирок этадиган Бразилия А сериясида 37-турдан кейин 9-ўринни эгаллаб турганди.
Мавзуга оид
12:23 / 13.08.2024
Колумбияда ҳарбийлашган гуруҳ томонидан ушлаб турилган 66 аскар озод қилинди
17:24 / 07.07.2024
Аянчли тугаган ҳаёт – МРБ ва колумбиялик наркокартеллар билан бир вақтнинг ўзида ҳамкорлик қилган америкалик учувчи ким эди?
22:18 / 21.06.2024
Мўғулистон, Словения ва Колумбиянинг Ўзбекистондаги элчилари тайинланди
14:55 / 02.05.2024