Қўшимча функционаллар
-
Тунги кўриниш
Усейн Болт фаолиятини қачон якунлаши борасида ойдинлик киритди
Фото: Kai Pfaffenbach / Reuters
Ямайкалик спринтер, 8 карра Олимпия чемпиони Усейн Болт 2017 йилги жаҳон чемпионатидан кейин иштирокларини якунламоқчи. У бу ҳақда 2 февралда маълум қилди, деб хабар бермоқда Reuters ахборот агентлиги.
Таъкидланишича, 2018 йилги Ҳамдўстлик ўйинлари ташкилотчилари Болтни мусобақаларда иштирок этишга таклиф қилишган, бироқ спортчи рад жавобини берган.
"2018 йилдаги стартга чиқишим, ғалаба қозонишга имкониятга эга бўлишим учун ҳар қачонгидан кўпроқ машқ қилишим керак. Бу эса юз бермайди", деб айтган Болт.
2017 йилги енгил атлетика бўйича жаҳон чемпионати Лондонда 5-13 август кунлари бўлиб ўтади.
25 январда Халқаро Олимпия қўмитаси Болтни унинг жамоадоши Неста Картер допинг-намунасида тақиқланган моддалар аниқлангандан кейин Пекиндаги Олимпиадада 4х100 метрга эстафета югуришда қўлга киритган олтин медалидан маҳрум қилди. Шунингдек, ўша эстафетада иштирок этган қолган ямайкалик спортчилар ҳам олтин медаллардан маҳрум этилдилар.
Мавзуга оид
20:10 / 02.10.2024
Ўзбекистонлик хоккейчилар илк маротаба жаҳон чемпионатида иштирок этади
15:23 / 04.12.2023
Тошкент оғир атлетика бўйича ёшлар ўртасидаги жаҳон чемпионатига мезбонлик қилади
20:22 / 26.11.2023
Ўзига 100 млн, мураббийига 50 млн. Шахмат бўйича жаҳон чемпиони Афруза Ҳамдамова тантанали кутиб олинди
15:34 / 22.11.2023