Шимолий Кореяга АҚШ телекомпанияси раҳбари келди

АҚШнинг CBS телекомпанияси раҳбари Дэвид Родс Шимолий Корея пойтахти Пхеньянга келди. Бу ҳақда Корея марказий телеграф агентлиги маълум қилди. Родснинг Шимолий Кореяга келишидан мақсад нималиги маълум қилинмаган.

АҚШ ва Шимолий Корея ўртасида дипломатик алоқалар мавжуд эмас. Икки давлат ўртасида кўплаб йиллардан бери таранглик сақланиб келади. Вашингтоннинг Пхеньяндаги манфаатларини Швеция элчихонаси билдиради.  

CBS раҳбари Пхеньянга Вашингтон ва Сеул Корея яриморолида катта кўламли ҳарбий машғулотлар ўтказаётган вақтда келди. Бу машғулотлар Шимолий Корея раҳбариятида кескин норозилик уйғотган.