ТЖМ ходими: «Ўзбекистон терма жамоаси мураббийларига ҳайкал қўйиш керак»

Ўзбекистон терма жамоалар марказининг ўртоқлик учрашувларини ташкил қилиши бўлимига масъул ходими Шерзод Эгамбердиев Ўзбекистон терма жамоаси кўрсатаётган натижа учун мураббийларга ҳайкал қўйиш кераклигини таъкидлади.

«Афсуски, биз Бразилия эмасмиз. Бой Қатар ёки БАА ҳам эмасмиз. Боримиз шу. Мураббийларимизга кўрсатаётган натижалари учун ҳайкал қўйиш керак. Жамоани «ўлдирмасдан», қўллаб-қувватлаш керак. Футболчилар ҳам ЖЧга чиқишни истайди», – деб ёзган Эгамбердиев фейсбукдаги тортишувлардан бирида.

Эслатиб ўтамиз, Ўзбекистон терма жамоаси ЖЧ саралаш босқичи доирасидаги учрашувда Сурия терма жамоасига 0:1 ҳисобида имкониятни бой бериб, ЖЧ йўлланмаси учун имкониятларини пасайтириб юборганди.