Қўшимча функционаллар
-
Тунги кўриниш
"Ньюкасл" Англия Премьер-лигасига қайтди
Англия чемпионшипининг 44-турида "Ньюкасл" клуби ўз майдонида "Престон"ни 4:1 ҳисобида тор-мор этиб, кейинги йил Англия Премьер-лигасида иштирок этиш ҳуқуқини ўзига кафолатлаб қўйди. "Ҳаккалар"га АПЛга қайтиш учун бир мавсум кифоя қилди. Клуб 2015/16 йиллардаги мавсум натижаларига кўра 18-ўринни эгаллаб, қуйи чемпионатга тушиб кетганди.
"Ньюкасл" АПЛдан чиқиб кетиб, унга бир мавсумда қайтишга муваффақ бўлган 21-жамоа бўлди. "Ньюкасл"дан ташқари, чемпионшип етакчиси "Брайтон" ҳам АПЛга йўл олди.
АПЛга яна бир йўлланма учун "Рединг", "Шеффилд Уэнсдэй", "Хаддерсфилд", "Фулхэм" ва "Лидс" жамоаларидан 4 таси кураш олиб боради. Ҳозирда чемпионшип якунланишига 2 тур қолди.
"Ньюкасл" бош мураббийи Рафаэль Бенитес ўзи мураббийлик қилаётган клубни бир поғона юқори дивизионга учинчи маротаба олиб чиқди, аввал у бундай натижага "Экстремадура" (1997/98) ва "Севилья" (2000/01) испан клублари билан эришганди.
Мавзуга оид
16:57 / 14.09.2023
«Ўхшамай қолса, отам каби таксичи бўлиш режасини тузиб қўйгандим». Бруно Гимараэш оғир ўтган болалиги, 39-рақам сири ва «Ньюкасл» ҳақида
13:13 / 02.08.2022
Мақталган шайхлар қаерда? «Ньюкасл»нинг трансфер кампанияси ҳафсалани пир қилмоқда
12:47 / 18.10.2021
«Барса»да ғалаба, «Рома» голдан маҳрум бўлди, «Тоттенҳэм» ўйини тўхтаб қолди, Нидерландияда трибуна қулади
19:29 / 17.10.2021