Таиландда собиқ қиролнинг куйдирилиш санаси эълон қилинди
Ўтган йилнинг октябрида вафот этган Таиланднинг собиқ қироли Пумипон Адулядетни куйдириш маросими шу йилнинг 26 октябрь санасида ўтказилади. Бу ҳақда маҳаллий ОАВ мамлакат олий ҳарбий раҳбариятига таянган ҳолда хабар бермоқда.
Ҳукуматнинг расмий вакили, генерал-лейтенант Сансен Кевкумнеднинг сўзларига кўра, беш кунлик дафн маросими 25 октябрда бошланади.
ОАВнинг қайд этишича, Таиланд қироллик оиласи вакилларининг дафн маросими кенг миқёсли ва жуда серхаражат тадбир бўлади — сўнгги марта бундай тадбир мамлакатда 70 йил аввал ўтказилган.
Пумипон Адульядетнинг ўғли Маха Вачиралонгкон Таиланд тахтига қирол Рама X сифатида ўтирди. У 1782 йилда асос солинган Чакри сулоласининг ўнинчи қироли ҳисобланади.
Мавзуга оид
15:29 / 23.09.2024
Таиландда амалдор 10 йил ишга бормасдан маош олиб келгани аниқланди
23:17 / 19.09.2024
Таиландда питон чангалида қолиб кетган аёл икки соатдан кейин қутқариб олинди
10:20 / 13.09.2024
Таиландда кузатилган тўфон оқибатида жабр кўрганлар орасида Ўзбекистон фуқаролари йўқ
22:48 / 06.09.2024