Перу ҳукумати Мачу-Пикчуга келувчи сайёҳлар оқимини камайтирмоқчи
Перу ҳукумати ЮНЕСКО томонидан кўрсатилаётган босим сабабли қадимий шаҳар Мачу-Пикчуга сайёҳлар оқимини камайтиришга қарор қилди. Бу ҳақда The Guardian нашри хабар бермоқда.
Маълум қилинишича, мажмуа ташриф буюрувчилар оқими кўпайиб кетгани сабабли хавф остидаги объектлар рўйхатига киритилмоқчи бўлган. Ўтган йили Мачу-Пикчуга 1,4 млн киши келган. Қадимий мажмуа анчадан бери сайёҳлар орасида машҳур қадамжо ҳисобланади, бироқ охирги йиллар у борган сари оммалашмоқда.
1 июлдан мажмуага назорат билан ўтказиш тартиби киритилади. Сайёҳлар Мачу-Пикчуга кунига фақатгина икки марта: соат 6:00да ва 17:30да киритиладилар. Ёдгорликка фақат гид билан, 16 кишидан ошмаган гуруҳ бўлиб ташриф буюришга рухсат берилади. Ҳозирча эса сайёҳлар Мачу-Пикчу бўйлаб бемалол сайр қилишлари мумкин. Мажмуага кириш чиптаси нархи аввалгидек 46 долларлигича қолади.
Мавзуга оид
16:19 / 31.08.2024
Италияда сайёҳлар учун кунлик солиқ 25 еврогача оширилиши мумкин
14:26 / 23.08.2024
Буюк Хитой деворида сайёҳларга дронлар билан овқат етказиш хизмати йўлга қўйилди
15:30 / 17.06.2024
Перуда 6 магнитудали зилзила юз берди
22:21 / 13.01.2024