Италияда трактор орқали Путиннинг улкан сурати ҳосил қилинди
Италиялик фермер Дарио Гамбарин Верона яқинидаги даласида трактор ёрдамида Россия президенти Владимир Путиннинг улкан суратини яратди, деб хабар бермоқда Fox News телеканали. Бу антиқа суратнинг эни 150 метрни ташкил қилади ва шу сабабли уни маълум баландликдангина кўра олиш мумкин.
Сурат муаллифи ўз асарини Гамбургда ўтадиган "Катта йигирматалик" саммитига атаб яратди. Маълум қилинишича, саммит вақтида Путин ва АҚШ президенти Дональд Трампнинг учрашуви бўлиб ўтади. Ўтган йилги АҚШдаги президент сайловларида Гамбарин Трамп ва Хиллари Клинтоннинг шундай суратларини яратганди. Унинг бундай асарлари орасида Рим папаси Франциск сурати ҳам бор.
Рассомнинг айтишича, у улкан суратларни дастлабки ҳисоб-китобларсиз, фақатгина ўткир кўзлари ва тракторни бошқариш уқувига ишонибгина яратади. Бироқ фермер асарлари умри қисқагина. Бу эса Путин сурати бир неча кундан кейин ҳайдалиб ташланишини англатади.
Мавзуга оид
23:02 / 25.09.2024
Путин: «Бизга оддий қурол билан ҳужум ҳам ядро зарбасига асос бўлади»
19:43 / 25.09.2024
Россиялик мулозимлар ва The Washington Post таҳлилчилари Кремлнинг ядровий таҳдидлари «энди ҳеч кимни қўрқитмайди» дейишмоқда
23:20 / 23.09.2024
Кремл Путиннинг янги ядровий ракеталари синови муваффақиятсиз кечганидан бехабар эканини маълум қилди
10:50 / 21.09.2024