Лондон метросида портлаш юз берди
Лондон метросининг «Парсонс-Грин» бекатида портлаш юз берди. Бу ҳақда Британия ОАВ хабар бермоқда.
«Биз «Парсонс-Грин» метро бекатида рўй берган ҳодисадан хабардормиз. Ходимлар воқеа жойида ишлашмоқда», - дейилади полициянинг твиттердаги хабарида.
Гувоҳларнинг сўзларига кўра, портлаш оқибатида тахминан 20 киши жабрланган. Бу ҳақда LBC хабар берди.
«Менинг устимдан олов шари ўтиб кетди. Сочларим ёниб кетди, бироқ янада жиддийроқ жароҳат олган кишилар ҳам бор», - деган гувоҳлардан бири.
Унинг сўзларига кўра, портлашга сабаб бўлган қурилма метро вагонидан чиқадиган жойда бўлган.
Шунингдек, The Sun'нинг хабар беришича, сапёрлар отряди иккинчи портловчи қурилмани зарарсизлантириш билан шуғулланмоқда.
Ҳодиса жойига аксилтеррорчилик полицияси ходимлари етиб келган.
Воқеа тафсилотлари аниқлаштирилмоқда.
Мавзуга оид
22:37 / 17.09.2024
Лондондаги Оксфорд-стрит кўчаси пиёда учун мўлжалланган ҳудудга айлантирилади
14:50 / 16.09.2024
Буюк Британияда “Лазги” спектакли намойиш этилди
08:50 / 14.09.2024
Вашингтон ва Лондон Украинанинг Россияга зарба бериши бўйича қарорни кейинга қолдирди
13:19 / 12.09.2024