Қозоғистон vs Қирғизистон: можаро транспорт соҳасига ҳам етиб келди
Сўнгги вақтларда Қозоғистон Республикаси транспорт қонунчилигининг қирғизистонлик ташувчилар томонидан бузилиши тез-тез учрамоқда, дея хабар берган Қозоғистон Республикаси Сармоялар ва ривожланиш вазирлиги матбуот хизмати.
Шундай қилиб, Қирғизистон Республикасининг ташувчиларига тегишли бўлган ва сўнгги 2 кунда текширилган 212 та автомобилдан 35 тасида қўпол қоидабузарликлар аниқланган.
Хусусан, юк ҳажми параметрларига амал қилмаслик бўйича – 11, каботаж ташувлар – 4, Қозоғистоннинг рухсат бериш бланкаси йўқлиги - 4 ва бошқа қоидабузарликлар – 13 ҳолатда фош қилинган.
Юқорида кўрсатилган қоидабузарликлар учун жами 4 минг АҚШ долларидан ортиқ маъмурий жарима қўлланилди.
Шу билан бирга, йўловчиларни олиб ўтишга рухсати йўқлиги сабабли, 4та йўловчи автобуси жарима майдончасига жойлаштирилди.
Аниқланган қоидабузарликлар тўғрисидаги маълумот Қирғизистон Республикасига топширилган.
Мавзуга оид
20:09 / 20.09.2024
Қозоғистонда хорижликларни депортация қилиш қоидалари кучайтирилиши мумкин
18:49 / 20.09.2024
Қирғизистонда коррупционерлар ва уларнинг қариндошларига давлат лавозимида ишлаш тақиқланади
08:30 / 20.09.2024
Қозоғистоннинг Ўзбекистондаги элчиси “Дўстлик” ордени билан мукофотланди
16:07 / 19.09.2024