Қирғизистондаги сайловда давомат паст
15 октябрь куни Қирғизистонда ўтказилаётган президентлик сайловида маҳаллий вақт билан соат 17:00 ҳолатида, рўйхатга олинган 3 миллион 25 минг 902 сайловчидан 1 миллион 213 минг 803 нафари иштирок этган. Бу эса сайловда давомат 40,12 фоизлигини кўрсатади.
Мамлакат Бош вазири биринчи ўринбосари Тўлқинбек Абдиғулов берган маълумотга кўра, маҳаллий вақт билан соат 16:00да сайловда қатнашган фуқаролар умумий сайловчиларнинг 35,8 фоизга тенг эди. Бир соат давомида уларнинг сони 5 фоизга ўсган.
Айни пайтгача Ўш (52,8 фоиз), Талос (45,75 фоиз) ва Бишкекда (45,05 фоиз) ишлаб турган сайлов участкаларида фаоллик кузатилмоқда.
Бу вақтда, Қирғизистоннинг Москвадаги элчихонаси атрофида ҳозирча нима мақсадда йиғилгани аниқланмаган қирғизлар юртдошларидан намойишга қўшилишини сўрамоқда. Россия ТИВ Ахборот хизмати мазкур воқеа юзасидан расмий баёнот бергани йўқ.
Мавзуга оид
18:49 / 20.09.2024
Қирғизистонда коррупционерлар ва уларнинг қариндошларига давлат лавозимида ишлаш тақиқланади
22:04 / 16.09.2024
Қирғизистондан Ўзбекистонга от уюрини ноқонуний ҳайдаб ўтмоқчи бўлганлар ушланди
20:33 / 14.09.2024
Водийдаги тантана, Бойсундаги мавҳумлик ва АЭС бўйича якуний битим — ҳафта дайжести
19:03 / 14.09.2024