Қирғизистоннинг собиқ президентининг юртдошлари билан учрашуви можаро билан якунланди (видео)
Қирғизистоннинг биринчи президенти Асқар Акаевнинг Германияда юртдошлари билан учрашуви можаро билан якунланди.
Таъкидланишича, учрашув KyrgyzClub-Germany ҳамжамияти томонидан ташкиллаштирилган бўлиб, норасмий характерга эга бўлган. Учрашув унинг ташкилотчилари истагандек узоқ давом этмади.
Акаев юртдошлари билан меҳмонхона олдидаги кўчада учрашган. У ҳамма билан сўрашгач, юртдошлари билан суҳбатлаша бошлаган. Бу суҳбат давомида бир неча киши Акаевдан қирғизчада сўзлашишни талаб қилиб, унга халақит қила бошлаган. Одамлар орасида Акаевга қарши бўлганлар ҳам бўлган. Уларнинг қўлида “Акаев кет” деган плакатлар бўлган.
Акаев кўчада бир неча дақиқа суҳбатлашиб туриб, учрашувни одамларнинг саволларига жавоб беришни истамаган ҳолда тарк этишга қарор қилган. Акаев барча билан хайрлашиб ортига ўгирилиб кетаётганда у томонга тухум улоқтирилган. Шундан кейин Акаев воқеа жойини шошганча тарк этган.
Акаевга ҳамроҳлик қилган қизи Бермет Акаева тухум отган йигитнинг ёнига келиб, ундан нега бундай қилаётганини суриштиришга тушиб кетган. Бермет Акаева йигит билан бироз даҳанаки жанг қилгач, йигитни сумкаси билан бир неча марта урган.
Жанжалга яқин атрофдаги полициячилар аҳамият каратишиб, йигитдан воқеани суриштира бошлашган.
Мавзуга оид
21:43 / 06.09.2024
Асқар Акаев Қирғизистон парламентидан ўзига собиқ президент мақомини қайтаришни сўради
21:53 / 19.02.2023
«Ағдарилганлар мажлиси». Қирғизистоннинг собиқ президентлари Дубайда нега учрашди?
18:57 / 13.01.2023
Қирғизистон собиқ президенти Асқар Акаевга нисбатан очилган жиноий иш тўхтатилди
23:02 / 01.12.2022