Фотолавҳа: Дунёнинг сиз бўлмаган энг жозибали жойлари

Дунёга машҳур National Geographic журнали ҳар йили дунёнинг энг яхши фотосуратларини аниқлайди. Нашр бу йил жиддий танқидчилар ҳукмига ҳавола қилинган қарийб 2 млн суратдан 57 тасини танлаб олди.

2017 йилги рейтингда анъанавий равишда ёввойи ҳайвонлар ва қушлар, инсон қадами етмаган жойлар ва ажойиб табиат ҳодисаларини акс эттирувчи суратлар тақдим этилган эди. «Лента.ру» сайти ўқувчилар эътиборига ғолиб суратларнинг энг қизиқарлиларини ҳавола этмоқда.

Борнео ороли

Эркак орангутан тимсоҳлар тўла дарёни кесиб ўтишга уринмоқда. Маймунлар учун бундай жасурлик ноёб ҳодиса, аммо яшаб қолиш истаги шундай қалтис ишга мажбур қилади.

Австралия

Португалия кемачаси (Physalia physalis) деб номланувчи умуртқасиз ҳайвон уфқ чоғида соҳилга яқинлашмоқда. Мазкур денгиз ҳайвонининг заҳри инсонга хавфли ҳисобланади.

Хитой

Хитой шимоли-ғарбидаги Душан каньонидаги минерал қолдиқларда қуёш нурининг акс этиши.

Япония

Япония макакалари (Macaca fuscata) қайноқ булоқлар ёнида тозалаш ишларини ўтказмоқда.

АҚШ

Аризона штатидаги Гранд Каньон миллий паркида ёзги об-ҳаво.

Венгрия

Икки кулранг лайлак бургут ҳакамлигида ўзаро муносабатларига ойдинлик киритмоқда.

Фарер ороллари, Дания

Фарер ороллари шимолий қисмидаги Кальсой оролида қурилган маёқ ёнида камалак жилоси. Ундан шу ерда доимий яшайдиган 95 киши баҳра олиши мумкин.

АҚШ, Ҳавайи ороллари

Ҳавайидаги Калапана вулқонининг отилиши. 1990 йилда вулқон лаваси шу номдаги қишлоқни бутунлай йўқ қилган эди. Кўрилган чоралар сабабли қурбонлар бўлмаган.

АҚШ

Соқолли бойўғли (Strix nebulosa) Нью Ҳемпширда сичқон овламоқда.

Австралия

Жасур сузувчи табиий қоя ҳавзасида тўлқинларга қарши курашмоқда.

Мексика

Юкатан ярим оролидаги катта фламинголар жўжаларни боқмоқда. Одатда жўжаларга ота-она навбати билан ғамхўрлик қилади.

АҚШ

Вашингтон штати ғарбидаги Ҳуд канали кўрфазида флюоресцентли актиния.

Руминия

Пьятра Нямцадаги Куйдель кўлида тонгги туман.

АҚШ

Флорида штати Палм Бич шаҳридан 10 км узоқликдаги Гольфстрим сувости оқимидан фойдаланаётган учар балиқ.

Канада

Чайка қушлари Британия Колумбиясидаги музли дарёда оқаётган қарағай шохларидан ҳимояланмоқда.

АҚШ, Ҳавайи ороллари

Килауэа вулқонидан оқаётган қайноқ лава аста-секин океанга қуйилмоқда. 2016 йил вулқон уйғонганидан сўнг, оловли дарё 2 ой мобайнида сувгача 10 км бўлган масофани босиб ўтди.

АҚШ