Хитойда 533 та моделдаги автомобиллар ишлаб чиқарилиши тақиқланди
Хитой ҳукумати моторлари ёқилғи сарфлаш давлат меъёрлари ва экологик талабларга жавоб бермайдиган 533 та моделдаги енгил автомобилларнинг ишлаб чиқарилишини тақиқлаб қўйди. Бу ҳақда Bloomberg ахборот агентлиги хабар бермоқда.
Ушбу машиналарнинг ишлаб чиқарилишига тақиқлов 2018 йил 1 январдан кучга киради. Бу автомобиллар орасида BMW, Mercedes-Benz, Audi, Volkswagen ва Chevrolet маркалари моделлари ҳам бор. Тахмин қилинишича, келгусида бу рўйхат кенгайтирилиши мумкин.
Аввалроқ Хитой ҳукумати яқин орада мамлакатда ички ёнув двигателига эга автомобиллар ишлаб чиқарилиши ва сотилишини тўлиқ тақиқлаши мумкинлиги маълум қилинганди. Айни вақтда Хитойнинг саноат ва ахборотлаштириш вазирлиги бошқа тартибга солувчи давлат муассасалари билан бирга бензин ва дизелда ишловчи моторларга эга машиналарни ишлаб чиқариш ва сотишга тақиқлов киритилиши мумкин бўлган санани муҳокама қилмоқда.
Бу қадам Хитой автомобилсозлик саноатига “улкан таъсир” кўрсатиб, унинг “яшил” автомобиллар ишлаб чиқаришга ўтишга ундаши ҳамда атроф-муҳит ифлосланиши даражасини камайтириши керак.
Мавзуга оид
20:36 / 03.09.2024
BMW компанияси 140 мингдан ортиқ электрокарини чақириб олади
23:08 / 22.08.2024
BMW биринчи марта Европада электромобиллар савдоси бўйича Tesla’дан ўзиб кетди
19:50 / 20.08.2024
BMW АҚШда 720 мингдан ортиқ автомобилини чақириб олади
13:52 / 15.06.2024