Дунёнинг энг қимматбаҳо футболчилари рўйхати. Роналду жуда пастда

CIES Football Observatory тадқиқот маркази дунёнинг энг қиммат футболчилари рейтингини тузиб чиқди. Бу ҳақда марказ расмий сайтида хабар берилган.

Тадқиқот футболчиларнинг амалдаги шартномаси, жамоасининг ўйини, ёши, майдондаги позицияси, сўнгги вақтларда кўрсатаётган ўйини ва терма жамоадаги самарадорлиги ҳисобига тузиб чиқилди.

Тўлиқ рўйхатдан топ-5 лиганинг 100 футболчиси ўрин олди. Рейтингда биринчи ўрин «ПСЖ» ҳужумчиси Неймарга насиб этди. Иккинчи ўринда «Барселона» билан янги шартнома имзолаган Лионель Месси жой олди. «Реал» ҳужумчиси Криштиану Роналду эса бу сафар рейтингда бор-йўғи 49-поғонада қайд этилди.

Қуйида дунёнинг энг қиммат 10 футболчиси билан танишиб олишингиз мумкин. Тўлиқ рўйхат эса қуйидаги ҳаволада жойлашган.

1. Неймар – 213 млн евро (25 ёш, «ПСЖ», шартномаси 2022 йилги мавсум сўнгигача)

2. Лионель Месси – 202,2 млн (30 ёш, «Барселона», шартномаси 2021 йилгача )

3. Ҳарри Кейн – 194,7 млн (24 ёш, «Тоттенҳэм», шартномаси 2022 йилгача)

4. Киллиан Мбаппе – 192,5 млн (19 ёш, «ПСЖ», шартномаси 2022 йилгача)

5. Пауло Дибала – 174,6 млн (24 ёш, «Ювентус», шартномаси 2022 йилгача)

6. Деле Алли – 171,3 млн (22 ёш, «Тоттенҳэм», шартномаси 2022 йилгача)

7. Кевин де Брюйне – 167,8 млн (25 ёш, «Манчестер Сити», шартномаси 2021 йилгача)

8. Ромелу Лукаку – 164,8 млн (24 ёш, «Манчестер Юнайтед», шартномаси 2022 йилгача)

9. Антуан Гризманн – 150,2 млн (26 ёш, «Атлетико», шартномаси 2022 йилгача)

10. Поль Погба – 147,5 млн (24 ёш, «Манчестер Юнайтед», шартномаси 2022 йилгача).

...16. Филиппе Коутиньо – 123 млн (25 ёш, «Барселона», шартномаси 2023 йилгача). 

...49. Криштиану Роналду – 80,4 млн (32 ёш, «Реал», шартномаси 2021 йилгача).