Дунёдаги энг тезкор митти робот ишлаб чиқарилди
Роботлар турлича бўлади. Кўпинча "робот" сўзини эшитганимизда хаёлимизга машҳур Boston Dynamics компаниясининг сўнгги ишланмасини ёдга солувчи антропоморф механик мавжудот келади. Бироқ ушбу тушунча анча кенг қамровли. Hi-News'да ёзилишича, Ҳарвард университети тадқиқотчилари инсонга ўхшаши билан мақтана олмайдиган митти milliDelta роботини ишлаб чиқишди. Шундай бўлса-да, бугунга келиб у ўз тоифасида дунёдаги энг тезкор ва аниқ ҳаракат қилувчи робот ҳисобланади.
Манбага кўра, milliDelta роботи мисли кўрилмаган тезликда ҳаракат қила олади - сониясига 75 ҳаракатгача. Агар унинг хатти-ҳаракатларини видеокамерага олинса, у хира доғга айланади. Ҳарвард ишлаб чиқарувчилари ўз "маҳсулотлари"ни қўллашнинг кўплаб йўлини кўришмоқда. Масалан, у тиббий ускунанинг бир қисмига айланиши ва шифокорларга микрожарроҳликда ёрдам бериши мумкин.
MilliDelta дельта-роботлар тоифасига киради. Бу дизайн 80-йилларда ишлаб чиқилган ва кўпинча турли фабрика ва корхоналарда қўлланилган. Бундай роботлар конвейерларга ўрнатилиб, турли деталларни ўрнатиш билан шуғулланишган. Замонавий технологиялар шарофати билан milliDelta дельта-роботини ўнлаб бараварга кичрайтиришга муваффақ бўлинган. У электр мотор ўрнига пьезоэлектрик актуаторлар билан таъминланган.
Мавзуга оид
17:10 / 21.09.2024
АҚШда “полициячи” робот жиноятчини тутиб берди
23:14 / 03.09.2024
Кенияда робот официантлар: технология Шарқий Африка ресторан бизнесини ўзгартирмоқда
22:34 / 03.08.2024
Сунъий интеллектга эга робот хавфли зоналарга юборилади
22:54 / 28.05.2024