New York Times кутилмаган янгиликка тайёрланмоқда

Фото: Depositphotos

Американинг The New York Times газетаси ўзининг янгиликлар теледастурини тайёрламоқда, деб хабар берди The Hollywood Reporter.

Олинган маълумотларга кўра, лойиҳа «катта истиқболли» деб баҳоланмоқда. Унда «новаторлик суриштирувлар, воқеа жойларидан репортажлар, кун тартибини белгиловчи интервьюлар ва янги форматлар» бўлади.

Иддао этилишича, газета Showtime учун This American Life дастури ва PBS учун Frontline кўплаб эпизодларининг продюсери бўлган Left/Right компанияси билан биргаликда ишламоқда.

NYT томонидан изоҳ ҳозирча берилмади.

#New York Times #теледастур