Мэй ва Меркель «Россия тажовузкорлиги кучайишига» қарши бирга курашишга келишиб олди
Буюк Британия бош вазири Тереза Мэй ва Германия канцлери Ангела Меркель ўзаро телефон мулоқоти вақтида «Россия тажовузкорлиги кучайишига» қарши кураш устида биргаликда ишлашга келишиб олди. Бу ҳақда Британия ҳукумати сайтида хабар қилинган.
«Канцлер ва бош вазир Россия тажовузкорлиги кучайишига қарши туриш учун биргаликда ишлашни давом эттириш лозимлигини қайд этди», - дейилади баёнотда.
Шунингдек, Мэй Меркелга Солсберидаги ҳодисадан сўнг «кучли қўллаб-қувватлов ва бирдамлик» кўрсатилгани учун миннатдорлик билдирди.
Эслатиб ўтамиз, аввалроқ Буюк Британия ТИВ раҳбари Борис Жонсон Солсберида ГРУ собиқ полковниги Сергей Скрипалнинг заҳарланиши туфайли россиялик дипломатларни чиқариб юбориш ҳақида қарор қабул қилган барча давлатларга миннатдорлик билдирганди.
Мавзуга оид
12:10
ФИДE Бош ассамблеяси РФ ва Беларусга қарши санкцияларни бекор қилишни рад этди
09:30
Россия компанияси Ўзбекистон фуқароларини қонуний тарзда иш билан таъминлаш таклифини билдирди
21:12 / 22.09.2024
Покистонда Россия элчиси кортежидаги автомобил мина билан портлатилди
20:07 / 22.09.2024