Ўзбекистонлик 12 ёшли шахматчи қиз Осиё чемпионига айланди

8 апрель куни Таиланд давлатининг Чаингмай шаҳрида шахмат бўйича 8, 10, 12, 14, 16 ва 18 ёшгача ўсмирлар ўртасида блиц йўналиши бўйича Осиё чемпионати бўлиб ўтди.

Чемпионат 9 турдан иборатдан бўлиб, швейцарча тизимда, 3+2 вақт назорати бўйича ташкил этилди.  

KUN.UZ’га Шахмат федерациясидан маълум қилишларича, мусобақа натижаларига қўра, 12 ёшгача қизлар ўртасида Умида Омонова 9 имкониятдан 7,5 очко жамғарди ва Вьетнам, Ҳиндистондан бўлган рақибаларини ортда қолдириб, Осиё чемпионатининг олтин медалини қўлга киритди.  

Шунингдек, Абдималик Абдисалимов 16 ёшгача ўғил болалар ўртасида Осиё чемпионатининг кумуш медалини қўлга киритди. 

9 апрель куни мусобақанинг стандарт йўналишининг сўнгги тури старт олган бўлиб, унда Умида Омонова ҳамда Абдималик Абдисалимов навбатдаги Осиё чемпионати медаллари учун юқори имкониятга эга.