Ўзбекистон ва Туркия ўртасида зиёрат туризмини ривожлантиришга доир меморандум имзоланди
Туркия президенти Ражаб Тоййиб Эрдўғаннинг Ўзбекистонга ташрифи доирасида Туризмни ривожлантириш давлат қўмитаси, Вазирлар Маҳкамаси ҳузуридаги диний ишлар қўмитаси ва Туркия Республикаси дин ишлари бошқармаси ўртасида зиёрат туризмини ривожлантириш тўғрисидаги меморандум имзоланди. Бу ҳақида Туризмни ривожлантириш давлат қўмитаси матбуот хизмати хабар берди.
Меморандум оммавий ахборот воситаларида зиёрат туризмини оммалаштиришга доир кенг кўламли фаолият, туризм саноатида диний ва таълимий тадбирлар сонини кўпайтириш, шунингдек жаҳон ҳамжамиятига исломнинг асл инсонпарварлик моҳиятини етказишга, ислом бой меросини ўрганиш ва сақлашга қаратилган халқаро тадбирларни ташкиллаштиришни кўзда тутади.
Меморандум доирасида шунингдек Ўзбекистон ва Туркия ўртасида танишув сафарларини ташкиллаштириш ва уларнинг туристик салоҳиятига доир маълумотларни тақдим этиш кўзда тутилмоқда. Бундан ташқари, сайёҳлик салоҳиятига оид маълумотлар диний тадбирларда тарғиб қилинади.
Мавзуга оид
19:53 / 16.09.2024
Ўзбекистон АҚШ билан божхона соҳасидаги ҳамкорликка оид битимни имзолади
20:49 / 02.09.2024
Россиянинг Ўзбекистондаги элчиси республика билан алоқаларнинг ривожланиши ҳақида гапирди
20:37 / 31.07.2024
Ўзбекистонда YouTube’га кириш секинлашгани айтилган хабарлар рад этилди
23:00 / 13.06.2024