Андижонлик уруш қатнашчиларига Президент номидан пул мукофоти ҳамда қўл соатлари топширилди
Мудофаа вазирининг ўринбосари полковник Азизбек Икрамов ҳамда Андижон вилояти ҳокими Шуҳратбек Абдураҳмонов томонидан 30 нафар уруш қатнашчиларига Президент номидан бир марталик пул мукофоти ҳамда тилла суви юргизилган соатлар тантанали равишда топширилди. Мудофаа вазирлиги Матбуот хизмати KUN.UZ'га шу ҳақида хабар берди.
Тадбир кенг жамоатчилик вакиллари, ёшлар ҳамда ҳарбий хизматчилар иштирокида ўтказилди. Уруш ва меҳнат фахрийларига байрамона дастурхон ёзилди.
Уларга ҳурмат ва эхтиром кўрсатилди. Ташриф буюрган мактаб ва коллеж ўқувчилари ҳамда фахрийлар учун қурол-аслаҳа ва ҳарбий техника кўргазмаси намойиш этилди.
Шу билан бирга кекса авлод вакиллари ёшларга босиб ўтган ҳаёт йўллари, турмуш сабоқлари ҳамда уруш хотираларини сўзлаб берди. Мустақиллик, тинчлик бебаҳо неъмат эканлиги, уни асраб-авайлаш ва она Ватан тақдирига дахлдорлик ҳисси билан яшаш ҳар бир инсоннинг муқаддас бурчи эканлиги таъкидланди.
Байрамона тадбир якунида Андижон гарнизони ҳарбий оркестри ҳамда эл ардоғидаги хонандалар томонидан концерт дастури тақдим этилди.
Мавзуга оид
16:57 / 19.09.2024
Андижонда электрдан ноқонуний фойдаланган тадбиркордан 20 млн сўм олган ЭТК муҳандислари ушланди
10:00 / 13.09.2024
Хитой Андижонда чиқиндилардан энергия ишлаб чиқаришни йўлга қўяди
20:05 / 12.09.2024
Ҳудудларда тадбиркорлар қуёш панелларини ўрнатишга мажбурланмоқда. Вазирлик томошабинми?
09:50 / 11.09.2024