Халқаро космик станцияси экипажи Ерга қайтди
Қозоғистоннинг Жезқазған яқинида Халқаро космик станцияси экипажининг 3 аъзосини Ерга қайтарган “Союз МС-07” кемасининг капсуласи қўнди.
Ерга россиялик фазогир Антон Шкаплеров, NASA ва Япониянинг JAXA агентлиги астронавтлари Скотт Тингл ва Норишиге Канаи қайтди. Улар станцияда 168 кун ўтказишган.
Маълум қилинишича, фазогирлар капсуладан эвакуация қилинганлар ва ўзларини яхши ҳис қилмоқдалар. Шкаплеров капсуладан чиқариб олингандан кейин унга ғарқ пишган гилос тортиқ қилинган.
Яна бир эътиборли жиҳати, Шкаплеров ХКСга 24 мартда Олег Артемьев томонидан етказилган жаҳон чемпионати тўпи Telstar18’ни Ерга қайтариб олиб тушди. Ушбу тўпдан яқин кунларда бошланадиган футбол бўйича жаҳон чемпионатининг илк учрашувида фойдаланилади.
Кема атмосферага соат 17:17да кирган ва асосий парашюти очилишига 9 дақиқадан кейин буйруқ берилган. Капсула қўнган жойга 8 та Ми-8 вертолёти ва 4 та амфибия-машина жўнатилган.
Эндиликда ХКСда МКС-56 экспедицияси ишини давом эттиради. Экипаж сардори америкалик астронавт Эндрю Фойстел, бортмуҳандислар – Роскосмос фазогири Олег Артемьев ва NASA фазогири Ричард Арнольд. Улар ХКСга навбатдаги экипаж етиб келгунча, яъни 8 июнгача уч киши бўлиб ишлашади.
Мавзуга оид
16:15 / 12.09.2024
«Союз МС-26» кемасининг Россия ва АҚШдан бўлган экипажи ХКСга етиб борди
14:22 / 28.06.2024
SpaceX ХКСни орбитадан олиб чиқиш учун аппарат қуради
08:40 / 07.06.2024
Starliner бошқарилувчи кемаси ХКСга туташди
12:12 / 22.03.2024