Жаҳон чемпионатида 8-ўринни эгаллаган Россия терма жамоаси футболчилари тақдирланди
Россия президенти Владимир Путин терма жамоа футболчилари ва мураббийлари штабини тақдирлади.
Бош мураббий Станислав Черчесов энг олий Александр Невский ордени билан, икки нафар футболчи — дарвозабон Игорь Акинфеев ва ҳимоячи Сергей Игнашевич — Ҳурмат ордени билан тақдирланишди.
Терма жамоанинг қолган аъзолари фахрий ёрлиқлар билан мукофотландилар.
Кремлнинг Екатерина залида ўтказилган тадбир сўнгида футболчилар Путинга тўп ва 11-рақамли футболкани совға қилишди.
Аввалроқ, шанба куни Спорт вазирлигида Россия терма жамоасининг барча аъзолари хизмат кўрсатган спорт устаси, мураббийлар эса хизмат кўрсатган мураббий унвонига эга бўлишганди.
Эслатиб ўтамиз, Россия терма жамоаси жаҳон чемпионатида ўз тарихидаги энг яхши натижани қайд этиб, 8-ўринни қўлга киритди.
Мавзуга оид
10:50 / 21.09.2024
Путин Шейнбаум инаугурациясида қатнашиш учун Мексикага бормайди
09:52 / 14.09.2024
ЕИ Путиннинг сўзларидан кейин Украина учун қурол бўйича ўз позициясини ўзгартирмади
18:00 / 13.09.2024
Британия бош вазири Путинга: «Урушни Россия бошлаган ва дарҳол тугатиши мумкин»
22:25 / 12.09.2024