“Zomin Sunrise” да фарзандингиз ёзги таътилни фойдали ва мароқли ўтказишини хоҳлайсизми?

Жорий август ёзги таътилнинг учинчи ойи сифатида оромгоҳларнинг болалар билан гавжум даври ҳисобланади. Бундай пайтда ўз фарзандига унутилмас таассурот ва ёрқин хотираларни тақдим этишни истаган ота–оналар фарзандларини ёзги оромгоҳларга кузатадилар.

Жиззах вилояти, Зомин туманида жойлашган сўлим “Zomin Sunrise” ёзги оромгоҳи болажонларга ана шундай ёзги, мароқли хордиқни кафолатлайди. Бу ерда 7 ёшдан 14 ёшгача бўлган болалар учун ақлий ривожлантирувчи, ижодий ва интеллектуал тўгараклар ташкил этилган.

Шунингдек, замонавий, шинам турар жой ва болалар бассейни, 10дан ортиқ спорт тўгараклари ҳам мавсум давомида ўқувчилар хизматида бўлади. Шуни алоҳида таъкидлаш керакки, “Zomin Sunrise” боулинг ва ўйин автоматлари мавжуд бўлган Ўзбекистондаги илк оромгоҳ ҳисобланади.

Болалар оромгоҳи фаолияти давомида ижтимоий фойдали акцияларга ҳам ўз ҳиссасини қўшиб келмоқда.

Жумладан, 2017 йилда Президент Шавкат Мирзиёев ташаббуси билан фаолияти йўлга қўйилган Жиззах шаҳридаги Ҳамид Олимжон ва Зулфия номли, Андижон шаҳридаги Муҳаммад Юсуф номли, Қарши шаҳридаги Абдулла Орипов номли ҳамда Қорақалпоғистон Республикасидаги Ибройим Юсупов номли она тили ва адабиёт фанини чуқурлаштириб ўқитишга ихтисослаштирилган мактаб-интернатлари ва «Zomin Sunrise» болалар оромгоҳи ўртасида имзоланган Меморандум асосида иқтидорли ўқувчиларига ёзги таътилни ўтказиш учун 10тадан бепул йўлланмалар ажратилди.

Ҳозирда оромгоҳда тақдим этилган ана шундай бепул йўлланма асосида 5-мавсум иштирокчилари, Қорақалпоғистон Республикасида Ибройим Юсупов номли мактабнинг иқтидорли ўқувчилари дам олишмоқда.

Бунга қадар 1 мавсумда Жиззах шаҳридаги Ҳамид Олимжон ва Зулфия номли, 2 мавсумда Андижон шаҳридаги Муҳаммад Юсуф, 3 мавсумда Қашқадарё вилоятидаги Абдулла Орипов номли мактаб-интернатларининг иқтидорли ўқувчилари оромгоҳда унутилмас ёзги таьтилни ўтказишган эди.

Мусаффо тоғ ҳавоси, ажойиб манзара, эстрадамизнинг ёрқин юлдузлари иштирокидаги қизиқарли коцсерт дастурлари ва албатта, профессионал мураббийлар жамоаси – буларнинг ҳаммаси болажонларга ҳақиқий маънода унутилмас дамларни тақдим этади.

Азиз ота оналар, шошилинг! Йўлланмалар сони чекланган. “Zomin Sunrise”нинг охирги 6 мавсумига йўлланмалар (07.08.2018-19.08.2018) ҳарид қилишга улгуринг. Ёзги таътил фарзандингизга қувонч олиб келсин.