БМТ Бош ассамблеясининг 73-сессияси ўз ишини бошламоқда
БМТнинг Нью-Йоркдаги бош қароргоҳида 18 сентябрда БМТ Бош ассамблеясининг 73-сессияси очилади.
Сессиянинг мавзуси “БМТни барча одамлар манфаатларига яқинроқ қиламиз: тинч, адолатли ва барқарор жамиятларни қўллаб-қувватлашдаги глобал етакчилик ва умумий жавобгарлик” каби бўлади.
Кун тартибига халқаро тинчлик ва хавфсизликни қўллаб-қувватлаш, қуролсизланиш, барқарор тараққиёт, инсон ҳуқуқлари, гуманитар ёрдам, одил судловга кўмак бериш ва халқаро ҳуқуқни ривожлантириш каби соҳаларни қамраб олган 175 дан кўпроқ масалани киритиш режалаштирилган.
Бош ассамблеянинг раиси, Эквадор ташқи ишлар ва миграция вазири Мария Фернанда Эспиноса Гарсес сессиянинг асосий устувор вазифалари сифатида БМТни янада ислоҳ қилиш, ихтилофларни бартараф этиш, инсон ҳуқуқларини таъминлаш, гендер тенгҳуқуқлик ва адолатсизликни енгиш кабиларни ажратиб кўрсатган.
Бош ассамблеяда миграция ва қочқинлар бўйича глобал келишувларни қабул қилиш ва иқтисодий тараққиётга кўмак мавзуларига ҳам алоҳида эътибор қаратилади.
Мавзуга оид
11:20 / 23.09.2024
Зеленский Ню-Йоркка БМТ Бош ассамблеясида иштирок этиш учун келди
09:10 / 23.09.2024
Ню-Йоркдаги саммитда БМТни ислоҳ қилиш режаси қабул қилинди
08:10 / 19.09.2024
БМТ Бош ассамблеяси Исроилни Фаластин ҳудудини тарк этишга чақирди
18:36 / 14.09.2024