«Нефтчи» футболчиси оғир жароҳат олди (Видео)

«Нефтчи» клуби яримҳимоячиси Авазбек Ўлмасалиев Суперлига 24-туридан ўрин олган «Насаф»га (3:1) қарши ўйинда жиддий жароҳат олди.

84-дақиқада футболчи чап қанотдан югурганида, оёғи қайрилиб кетди ва майдонга йиқилди. Катта эҳтимол билан унинг тўпиғи чиқиб кетган ёки синган.

Эътиборли жиҳати шундаки, Ўлмасалиев воқеа жойига етиб келган тез ёрдам машинасига ўтиришни истамади ва майдон четига олиб чиқиб кетилди.

Қайд қилиш жоизки, футболчи ўйинда жамоасининг илк голига муаллифлик қилган эди.