МДҲда йил охиригача яна нечта машқ ўтказилиши айтилди
Россия Марказий ҳарбий округи қўшинлари қўмондони, генерал-лейтенант Александр Лапин 2018 йил охиригача МДҲ ҳудудида яна тўртта йирик машқлар ўтказилиши ҳақида хабар берди.
«Олдинда муҳим ва қатор жиддий тадбирлар бор. Бу Қозоғистондаги «Поиск-2018», Тожикистондаги «Рубеж-2018», Россия Федерацияси ҳудудидаги «Воздушний мост» ҳамда «Нерушимое братство» машқлари. Улар дунёга бизнинг бирдамлигимиз, жанговар қудратимиз ва қисқа муддат ичида Марказий Осиёнинг исталган нуқтасида бирлашган кучлар гуруҳини яратиш қобилиятимизни намойиш этиб беради», - деди Лапин «Иссиқкўл - Антитеррор-2018» террорчиликка қарши қўшма машқларнинг ёпилиш маросимида.
Унинг сўзларига кўра, чоршанба куни якунланган машқлар МДҲ мамлакатлари қўшма жанговар тайёргарлиги бўйича тадбирлар комплексида навбатдаги босқичга айланди, деб хабар беради РИА Новости.
«Ўтган уч йил мобайнида, жанговар тайёргарлик дастурларининг сони 4 баробарга ошди, 17та қўшма машқлар ва машғулотлар ўтказилди, зобитлар операцияларни режалаштириш ҳамда бирлашган қўшинлар ва кучлар гуруҳини қўллашда қимматли тажриба орттирди. Бундай ёндашув халқаро терроризмдан, айниқса, Афғонистондан келаётган таҳдид ва чақириқларга адекват жавоб ҳисобланади», - деди у.
Эслатиб ўтамиз, аввалроқ ИШИД Марказий Осиёда таянч нуқтаси ташкил этишга ҳаракат қилаётгани айтилганди.
Мавзуга оид
09:06 / 07.09.2024
Ўзбекистонда қўшма аксилтеррор машқлари бўлиб ўтди
22:23 / 20.08.2024
Лукашенко МДҲ давлатларини Россияга нисбатан худбинликда айблади
10:04 / 01.08.2024
Россия стратегик бўлмаган ядровий кучлар машқларининг учинчи босқичини бошлади
13:40 / 30.07.2024