Ўзбекистонда ишлаб чиқариш ҳажмининг ошишига тўсқинлик қилаётган омиллар айтилди
Марказий банк 2018 йилнинг III чорагида иқтисодиёт реал секторидаги ҳолат ва кутилмаларни ўрганиш натижаларини эълон қилди.
Хусусан, маҳсулотлар (ишлар, хизматлар) ишлаб чиқариш ҳажмининг ошишига тўсқинлик қилаётган омиллар ўрганилган.
Мазкур ҳолат юзасидан корхона ва ташкилотларнинг 34 фоизи хом-ашё материаллари нархларининг юқорилигини, 21 фоизи энергия манбалари нархларининг юқорилигини, 16 фоизи солиқ юкининг юқорилиги ва солиқ маъмуриятчилигининг мураккаблигини ҳамда бозордаги носоғлом рақобат муҳити ва шароитларни, 15 фоизи эса айланма маблағларнинг етарли эмаслигини маълум қилган.
Тармоқлар кесимида эса энергия манбалари нархларининг юқорилиги қурилиш материаллари саноатида респондентларнинг 42 фоизида, тоғ-кон саноатида 33 фоизида, озиқ-овқат саноатида 17 фоизида, савдо ва умумий овқатланиш соҳасида 29 фоизида, хом-ашё нархларининг юқорилиги эса нефть-газ саноатида респондентларнинг 67 фоизида, енгил саноатда 48 фоизида, кимё ҳамда озиқ-овқат саноатида 36 фоизида ва қурилиш ишлари соҳасида 58 фоизида ишлаб чиқариш ҳажмининг ошишига тўсқинлик қилаётган омил сифатида қайд этилган.
Эслатиб ўтамиз, аввалроқ Марказий банк мамлакатда иқтисодий фаоллик ошгани, бироқ айрим салбий омиллар мавжудлиги ҳақида маълум қилганди.
Мавзуга оид
14:05 / 12.09.2024
Марказий банк асосий ставкани йиллик 13,5 фоиз даражасида ўзгаришсиз қолдирди
16:32 / 10.09.2024
Россия Ўзбекистонда учувчисиз учадиган фуқаролик дронларини ишлаб чиқармоқчи
15:30 / 09.09.2024
Ўзбекистоннинг олтин-валюта захиралари 39 млрд долларга етди. Бу – рекорд кўрсаткич
17:04 / 05.09.2024