Сирли кикбоксчи. Макгрегорга 5 млн долларлик таклиф келиб тушган

Аралаш йўналиш (MMA) бўйича ирландиялик жангчи Конор Макгрегорга номи ошкор этилмаган хитойлик кикбоксчи билан жанг таклиф этилди.

Ирландияликнинг мураббий Жон Кавана сўзларига кўра, Макгрегорга хитойликка қарши жанг учун 5 млн доллар ваъда қилишмоқда.

«Бир неча кун илгари менга хабар келди, унда хитойлик кикбоксчининг промоутери Конорга қарши уч раундлик жанг учун 5 млн доллар таклиф қилди. Менга бундай хабарлар жуда кўп келиб тушади, аммо уларга эътибор бермайман. Лекин бу таклиф яхши эди. Мен бу промоутерни яхши танийман, у жуда машҳур», - дея мураббийнинг сўзларини келтиради BJ Penn.

Эслатиб ўтамиз, аввалроқ Нурмагомедовнинг отаси Ҳабиб Макгрегор билан яна жанг ўтказиши мумкин экани ҳақида маълум қилганди.