АҚШда Audi’нинг 4 бошқарувчисига “дизел можароси” юзасидан айбловлар эълон қилинди
Мичиган штатининг шарқий округи прокуратураси Volkswagen’нинг шўъба корхонаси Audi’нинг 4 нафар собиқ бошқарувчисига дизел автомобилларида чиқинди газлар билан фирибгарликлар қилиш иши бўйича жиноий айбловлар эълон қилди.
Айбловлар компаниянинг дизел двигателлар ишлаб чиқиш бўлимининг собиқ бошлиғи Ричард Баудер, қайд қилиш ва синовдан ўтказиш бўлимининг собиқ бошлиғи Аксел Айзнер, двигателларни ишлаб чиқиш бўлимининг собиқ бошлиғи Стефан Книрш ва двигателларни рўйхатга олиш учун жавобгар бўлган Карстен Нагелга эълон қилинган.
Улар АҚШга қарши фирибгарлик қилиш, молиявий фирибгарлик мақсадида тил бириктириш, АҚШнинг “Тоза ҳаво ҳақида”ги қонунини бузиш ва яна 6 та фирибгарлик ҳолатини содир этишда айбланмоқда.
2015 йилда Германияда Volkswagen билан боғлиқ можаро авж олганди. Ўшанда компания махсус дастурий таъминот ёрдамида машиналаридан атроф-муҳитга чиқувчи чиқинди газларнинг миқдорини атайлаб камайтирган. Шу сабабли концерн АҚШнинг ўзидан ярим млнга яқин автомобилини ортга қайтариб олишига тўғри келган. Умуман эса бундай двигателли машиналардан бутун дунё бўйлаб 11 млн дона сотилган.
Мавзуга оид
23:13 / 21.09.2024
Ҳаррис сайлов кампаниясида Трампдан уч баробар кўп маблағ тўплади — ОАВ
20:40 / 21.09.2024
Шимолий Кореяга қочиб ўтган америкалик аскар шармандаларча армиядан ҳайдалгани маълум бўлди
17:10 / 21.09.2024
АҚШда “полициячи” робот жиноятчини тутиб берди
16:27 / 21.09.2024