Facebook’да жўнатилган хабарларни ўчириш имконияти пайдо бўлди
Facebook мессенжерида чатларда юборилган хабарларни ўчириш имконияти пайдо бўлди. Ижтимоий тармоқнинг маълум қилишича, ушбу функция Messenger’нинг iOS ва Android операцион тизимлари учун янги версиясига қўшилган.
Хабарни ўчириш учун экранда унга икки марта босиш керак. Шунда сузиб чиқувчи меню пайдо бўлиб, унда фойдаланувчига икки вариантдан бирини – хабарни барча иштирокчилар ёки фақат ўзи учун ўчиришни (айни вақтгача хабарларни айнан шундай ўчириш мумкин бўлган) танлаш таклиф этилади.
Хабарни у жўнатилгандан 10 дақиқа ичида ўчириш мумкин. Бундан кейин функция амал қилмайди.
Facebook хабарларни ўчириш имконияти устида ишлар олиб борилаётганини бир йил аввал маълум қилган. Бу ижтимоий тармоқ асосчиси Марк Цукерберг ва Facebook’нинг бошқа раҳбарлари чатлардан хабарларни ўчира олишлари мумкинлиги ҳақидаги хабарлар пайдо бўлгандан кейин қилинган.
Бунгача оддий фойдаланувчилар хабарларни фақат ўз саҳифаларидан ўчира олишган, қолган иштирокчиларда у сақланиб қолган.
Мавзуга оид
20:00 / 19.08.2024
Яқинларингизга қачон охирги марта қўнғироқ қилдингиз?
22:46 / 19.07.2024
Telegram фирибгарларга қарши чораларни жорий қилади
10:53 / 25.05.2024
VK 26 июндан бошлаб ICQ мессенжери иши тўхтатилишини эълон қилди
10:21 / 04.04.2024