Samsung смартфонлардан видео кўриш учун вертикал телевизор ишлаб чиқарди
Samsung мобил контентни қулай кўриш учун экранини вертикал ҳолатга буриш мумкин бўлган 43 дюймли Sero телевизорини ишлаб чиқарди. Компания телевизор вертикал видеони кўришни хуш кўрувчи ёшлар орасида оммалашишига умид қилмоқда.
Телевизор биринчи навбатда мобил контентни кўриш учун мўлжалланган. Уни NFС технологияси ёрдамида смартфонга улаш мумкин. Телевизорни қолган вақт одатдагидек ишлатиш мумкин.
Бундан ташқари, Sero’га 60 ваттли карнай ва сабвуферлар ўрнатилган. Бунинг ҳисобига телевизорни мусиқий марказ сифатида ҳам қўллаш мумкин бўлади. Ундан шунингдек рақамли фоторамка сифатида фойдаланиш ҳам мумкин. Телевизорга Bixby овозли ёрдамчиси ўрнатилган.
Samsung янги телевизорни Жанубий Кореяда май охирида 1600 минг доллар атрофида сотувга чиқаради. Телевизорнинг қолган давлатларда сотувга чиқарилиши борасида ҳозирча маълумот йўқ.
Мавзуга оид
21:57 / 26.09.2024
Samsung ходимлари радиацияга учрагани туфайли компания жаримага тортилди
22:24 / 19.09.2024
Samsung’нинг Ҳиндистондаги заводи ходимлари иш ташлаш эълон қилди
21:48 / 18.09.2024
Xiaomi смартфон ишлаб чиқариш бўйича Apple компаниясини ортда қолдирди
19:00 / 29.08.2024