Моуриньо «Барселона»нинг Ливерпулдаги мағлубияти сабабини тушунтирди

Португалиялик мутахассис Жозе Моуриньо «Барселона»нинг Чемпионлар Лигаси яримфиналидан ўрин олган «Ливерпуль»га (0:4) қарши ўйиндаги мағлубияти сабаблари ҳақида гапирди.

«Энфилд» мени ҳайрон қолдирмади, Клопп мени ҳайрон қолдирмади. Жамоа ва мухлислар орасидаги муносабат мени ҳайрон қолдирмади. Аммо нега булар «Барселона» учун сюрприз бўлди? Мана сизга савол.

Ғалаба иштиёқисиз бу стадион майдонига тушолмайсиз. Шунчаки, бутун ўйин давомида ҳимоялана олмайсиз. Эрнесто Вальверде шогирдлари эса Лионель Месси ёки Луис Суареснинг гол уришини кутиб, ҳимояланиш билан машғул бўлишди. Улар жисмонан ва руҳан мағлуб бўлишди», - деди Моуриньо.