Қўшимча функционаллар
-
Тунги кўриниш
Хитойда “Википедия” тўлиқ блокланди
Фото: Gary Cameron / Reuters
Хитой ҳукумати “Википедия” онлайн-энциклопедиясининг барча тиллардги версияларига киришни чеклади. Бу ҳақда онлайн-энциклопедияни қўллаб-қувватловчи “Викимедия” жамғармасига иқтибос келтирган ҳолда “Би-Би-Си” телеканали хабар берди.
“Интернет-трафик батафсил таҳлил қилингандан кейин Хитойда “Википедия” барча тилларда блокланганини тасдиқлай оламиз”, деб айтилган жамғарма хабарида. Жамғарма вакилларининг айтишича, улар сайтга киришнинг тақиқланиши ҳақида Хитой ҳукуматидан ҳеч қандай огоҳлантириш олишмаган.
Бунгача Хитойда “Википедия”нинг фақат хитой тилидаги версиясига кириб бўлмаётганди. Бироқ интернетда блоклашлар ортидан кузатувчи OONI лойиҳаси маълумотларига кўра, апрель охиридан энциклопедиянинг бошқа тиллардаги версияларига чеклов жорий қилинган.
Хитойда онлайн-энциклопедиядан ташқари, Google, Facebook ва LinkedIn’га ҳам кириш блокланган.
2017 йил апрелда “Википедия” Туркияда ҳам тақиқланганди. Расмий Анқаранинг фикрича, сайт Туркияни халқаро майдонда ёмонотлиқ қилиш кампаниясининг бир қисми бўлган.
Мавзуга оид
19:51 / 24.04.2023
Ўзбекистон экспортида Россия биринчи ўринга кўтарилди
15:51 / 24.04.2023
Ўзбекистон Хитойдан 2 млрд долларлик маҳсулотлар сотиб олди
13:48 / 23.04.2023
Хитойнинг Франциядаги элчиси Қрим статуси ва собиқ СССР давлатлари суверенитетини шубҳа остига олди
11:25 / 21.04.2023